‘ఫాల్తూస్’ (falthoos) పోస్టర్ విడుదల.. త్వరలో ప్రేక్షకుల ముందుకు సినిమా! పోస్ట్ ప్రొడక్షన్ పనులు పూర్తి.. గ్రాండ్ రిలీజ్‌కు సిద్ధమవుతున్న ‘ఫాల్తూస్’ falthoos విభిన్నమైన కథాంశంతో ప్రేక్షకుల ముందుకు వచ్చేందుకు సిద్ధమవుతున్న చిత్రం ‘ఫాల్తూస్’. falthoos ఈ చిత్రానికి సంబంధించిన పోస్టర్‌ను తాజాగా విడుదల చేశారు. సినిమా పోస్ట్ ప్రొడక్షన్ పనులన్నీ పూర్తి చేసుకుని, త్వరలో ప్రేక్షకుల ముందుకు వచ్చేందుకు సిద్ధమవుతోంది. ఎం.ఎం. రాజు రచన, దర్శకత్వం వహిస్తున్న ఈ చిత్రాన్ని కె.వి. రావు, వై. విజయ్ శేఖర్ సంయుక్తంగా నిర్మిస్తున్నారు. భరత్ మహేశ్వరం హీరోగా, కాంచన్ బామ్నే హీరోయిన్‌గా నటిస్తున్నారు. సుధా గారు ప్రత్యేక పాత్రలో కనిపించనున్నారు. ఈ చిత్రంలో మీశా ఎం. సురేష్, బలగం సత్య, అంజి ఎన్‌టీఆర్, సుష్మ భూపతి, లక్ష్మీ శ్రీనివాస్, అనుహ్య బోయిన తదితరులు కీలక పాత్రల్లో నటిస్తున్నారు. మహి మధన్ ఎం.ఎం. సంగీతాన్ని అందిస్తుండగా, అవుల వెంకటేష్ ఎడిటింగ్ బాధ్యతలు నిర్వహిస్తున్నారు. చిన్న సినిమాలకు పెద్ద డిస్ట్రిబ్యూటర్‌గా గుర్తింపు పొందిన గణేష్ భారీ ఈ చిత్రాన్ని గ్రాండ్‌గా విడుదల చేసేందుకు సన్నాహాలు చేస్తున్నారు. సినిమా విడుదల తేదీని త్వరలో ప్రకటించనున్నారు. పోస్టర్ విడుదలతో సినిమాపై ఆసక్తి నెలకొనగా, త్వరలోనే ‘ఫాల్తూస్’ ప్రేక్షకుల ముందుకు రానుంది. చిత్ర బృందం ఈ సినిమాపై మంచి అంచనాలతో ఉంది.