‘ఉపేంద్ర’ పుట్టినరోజు సందర్బంగా ఉపేంద్ర సినిమా సెప్టెంబర్ 18న రీ రిలీజ్ !!! రెండు ద‌శాబ్దాల క్రితం క‌న్న‌డ స్టార్ హీరో ఉపేంద్ర స్వ‌యంగా ద‌ర్శ‌క‌త్వం వ‌హించి న‌టించిన చిత్రం ఉపేంద్ర. రీ-రిలీజ్‌ల ట్రెండ్ నడుస్తున్న ఈ సమయంలో, అప్ప‌ట్లో సంచలనం సృష్టించిన ఉపేంద్ర మూవీ ఇప్పుడు ప్రేక్ష‌కుల ముందుకు వ‌చ్చేందుకు సిద్ధ‌మైంది. కన్నడ స్టార్ ఉపేంద్ర నటించిన ‘ఉపేంద్ర’ సినిమా 1999లో విడుదలై కల్ట్ ఫాలోయింగ్ సొంతం చేసుకుంది. ఈ సినిమా ఇప్పుడు కొత్త తరానికి కూడా వినోదం పంచేందుకు సిద్ధ‌మైంది. ‘ఉపేంద్ర’ పుట్టినరోజు సందర్బంగా ఉపేంద్ర సినిమాను సెప్టెంబర్ 18న ఎంజీ మూవీస్ బ్యానర్ పై ఎం అచ్చిబాబు ఈ చిత్రాన్ని గ్రాండ్ గా రీ రిలీజ్ చేస్తున్నారు. ఉపేంద్ర ఈ సినిమాను తీసిన అప్రోచ్‌కు అప్పట్లో అభిమానులు ఫిదా అయ్యారు. ఈ సినిమాలో రవీనా టాండన్, ప్రేమ, దామిని కీలక పాత్రల్లో నటించారు. శిల్పా శ్రీనివాస్ నిర్మాణంలో వచ్చిన ఈ చిత్రానికి సంగీతాన్ని గురుకిరణ్ అందించారు. అప్పట్లో పాటలు ట్రెండ్ సెట్ చేసాయి. సెప్టెంబర్ 18న థియేటర్స్ లో సందడి చెయ్యబోతున్న ఉపేంద్ర చిత్రం ను చూడ్డానికి అభిమానును వెయిట్ చేస్తున్నారు, బుక్ మై షో, డిస్ట్రిక్ట్ యాప్స్ లో బుకింగ్స్ ఓపెన్ అయ్యాయి.